fbpx
AktualitetLajme

Mjeshtri i gajdes që jeton me 12 mijë lekë në muaj

 

Në krahinën e thellë të Gorës në fshatin Vërçun jeton Hekuran Pere mjeshtri i madh i gajdes .Ndonse ka kaluar 70 vjet trupi i tij i drejtë dhe fytyra shprehëse nuk të jep idenë se ke të bësh me atë moshë .Hekuran Pere ka 50 vjet që i bie gajdes .Gajdja e tij ka shëtitur në shumë skena që nga festivali folklorik i Gjirokastrës që ka marrë pjesë në më shumë se 10 edicione në tetë festivale Ballkanike tre festivale sofra Dibrane më pas shmë turne me ansamblin shetëror të Këngëve dhe Valleve në Kosovë,Rumani dhe disa shtete të tjera europiane ku Hekurani ka qwnw nw pwrbwrje tw kwsaj orekestre .

Hekuran Pere është padyshim gajdexhiu më i mirë i vendit madje ai në shumë festivale kombëtare dhe ndërkombëtare nga kritika është quajtur si “Mbreti i Gajdes “

Ai tregon se ka qënë vetëm 15 vjeç kur në fshatin e tyre vinte një cigan prej të cilit me këmbëngulje ka mësuar zanatin e gajdexhiut .Më von ai do ti krijonte këngën e “ Bjeri gajdes o gajdexhi “ këngë që do të merrte përmasa të mëdha dhe do të bëhej si një hymn nëpër dasma dhe gëzime familjare të cilën ia kushtonte pikërisht atij ciganit që i mësoj gajden kur ishte vetëm 15 vjeç .Hekurani të paktën ka marrë pjesë dhe vazhdon të marri pjesë në mbi 5000 dasma nga Gora e Mokra, Korça,e Devolli etj dhe ende vazhdon që të shkojë pasi të ardhurat ekonomike me 12 mijë lekë në muaj nuk të dalin për kafë dhe për cigare .Por Hekuarn Pere thotë që të arrish një përsosmëri dhe të korrish duartrokitje të gjatë duhet jo vetëm të kesh talent por edhe shumë punë këmbëngulse që të jesh gjithmon në kërkim të motiveve dhe melodive të reja .Për Hekuran Peren ka shërbyer krahina e Gorës një krahinë me tradita ku ai ka vjelë atë më të mirën e folklorit duke e ngritur në art .Hekurani është gjithmon në gjuetinë e melodive të vjetra burimore qindpërqin shqipatre pa asnjë ndikim nga meloditë e huaja .Atë e shqetësojnë ca muzikantë që po e deformojnë muzikën e bukur shqiptare me melodi të huaja .Kërkoj, thotë Hekurani ,ato këngët që vijnë nga mugëtirat e largëta …Mua më mbushet zemra thotë ai kur dal me gajde në skenë dhe shoh kostumet shumë ngjyrëshe popullore ,xhubletat ,fustanellat ,tirqet ,sharkun ,xhoken dhe shamitë shumëngjyrëshe ,kur sheh opingën me xhufka që rreh skenën dhe ngre lart valltarët në vallet popullore .

Me këtë gajde thotë ai kam mbajtur familjen dhe kam rritur tre djem .Më vjen mirë dhe jam i lumtur që njëri nga djemtë Nardi që është emigrant në Greqi po vazhdon rrugën time. Ai në Greqi është bërë i dëgjuar me gajden e tij dhe merr pjesë në shumë koncerte popullore ku ftohet të marri pjesë në përbërje të orkestrave greke dhe kjo padyshim më mbush me krenari që tradita do të vazhdojë nga njëri prej djemëve .Ndërsa njëri nga djemtë e tjerë është në orkestrën time ai i bie dajres dhe unë gajdes dhe mbajmë një dasmë të tërë me këngë e melodi vallesh nga më të njohurat e zonës .Por dasmat thotë ai janë si puna e gjahut por qëkur kanë hyrë këto veglat moderne si organo etj sikur ka kanë marrë ca klientë por ata që duan dasmë vënçe siç i themi në nga ana jonë na thërrasin ne .

Hekurani gjatë rrugës së gjatë me gajden ka marrë shumë çmime kombëtre dhe ndërkombëtre saqë kam mbushur një një raft plot por mua më pëlqen më shumë ai çmim që më jep populli …se sa ai çmim që të japin pushtetarët .Ti e shikon shpesh herë kë bëjnë “ Qytetar Nderi “ njerëz me mik jo me merita ..saqë nëse të bëjnë nesër” Q ytetar Nderi “të vjen turp të barazohesh ne persona anonimë qe ia u japin pushtetarët me mik

Hekrani jo vetëm është nëj mjeshtër i madh i gajdes në interpretim që e ka çuar mjeshtërinë e interpretimit në tehun e briskut ,thotë muzikanti Jovan Shuke ,por Hekurani është krijues qindra melodive me gajde dhe këngësh dasmash dhe festivalesh folklorike .Hekurani nga përvoja dhe dashuria e pakufishme që ka për gajden ka arritur që ta prodhojë tëshmë vetë gajden .E zgjedh vetë lëkurën e argas dhe më pas përgatit gajden .Ai falenderon një mjeshtër si Jashar Nazifin një klarinetist i shkëlqyer që fatkeqësisht nuk jeton më pasi e ka humbur jetën aksidentalisht i cili e ka mësur sit ë përgatisë pjesën e Pipzws ( pjesa e drunjtw me birra ku interpretohet melodia .

Në mbyllje të bisedës sonë Hekurani thotë se është aq i lidhur me gajden saqë ju ka lënë amanet të afërmëve që kur të vdesi gajden tja venë në arkivol t`a marri me vete .

Bardhyl Berberi

 

 

 

 

 

Related Articles

Leave a Reply

Your email address will not be published.

Back to top button