fbpx
AktualitetLajmeShow-BizShqiperia

Shqiponja dykrenare e Anxhela Peristerit në “Eurovision” çmend serbët, e quajnë skandal

Mediet serbe shkruajnë për shqiponjën e Anxhela Peristerit në “Eurovision”. Anxhela Peristeri prej disa ditësh po qëndron në Roterdam, për përfaqësimin e Shqipërisë në “Eurovision”, shkruan lajmi.net.

Në një prej paraqitjeve të saj para medieve, Anxhela kishte bërë shqiponjën dykrenare, veprim i cili ngjalli reagime nga ana e serbëve.

“Novosti” i dedikoi një artikull shqiponjës së përfaqësueses së Shqipërisë, duke e cilësuar si provokim.

“Skandal në Eurovision: Simboli i Shqipërisë së madhe, një provokim i turpshëm para gazetarëve”, ishte titulli i mediumit serb.

Në artikullin e “Novostit” thuhet se në prag të mbajtjes së natës gjysmëfinale të “Eurovisionit” ndodhi një skandal.

“Përfaqësuesja e Shqipërisë, Angelia Peristeri dhe bashkëpunëtori i saj dolën para shtypit dhe treguan simbolin e Shqipërisë së Madhe, të ashtuquajturën “shqiponja dykrenare” në mënyren shqiptare. Ju kujtojmë se Eurovision në parim ndalon promovimin politik në veprimtarinë e saj. Ajo ndau një foto me të njëjtën temë një javë më parë”, thuhet ndër të tjera në artikullin e mediumit serb.

Anxhela Peristeri pritet të performojë në natën e dytë gjysmëfinale të “Eurovision”, që mbahet nesër (20 maj).

Finalja e madhe e festivalit evropian mbahet më 22 maj.

Related Articles

Leave a Reply

Your email address will not be published. Required fields are marked *

Back to top button