fbpx
BotaKurioziteteLajmeSport

Stadiumet angleze drejt rikthimit në normalitet, Tottenham nis abonimet për tifozët

Stadiumet angleze drejt rikthimit në normalitet, Tottenham nis abonimet për tifozët

Vaksinimi masiv ka nisur të jap frytet në Britaninë e Madhe, atje ku pas restoranteve dhe bizneseve, është futbolli ai që po provon të rikthejë normalitetin.

 

Klubi i Tottenham është i pari që ka vendosur të hedhë në treg abonimet sezonale të tifozëve për kampionatin e ardhshëm. Prej datës 12 prill “Spurs” do të nisin procesin e rinovimeve të atyre që paguan për të ndjekur ndeshjet e sezonit që lamë pas, por që për shkak të pandemisë nuk arritën dot.

 

“Shumë prej jush gjatë kësaj periudhe na kanë shkruar sesa shumë i mungojnë stadiumet dhe të përjetuarit të ndeshjeve me tifozët e tjerë. Mezi presim t’ju japim mirëseardhjen sërish në shtëpinë tonë”, lexohet në komunikimin e Tottenham që jep dhe detaje për mënyrën se si fansat anglezë do të rimbursohen në rast se Covid-19 do të jetë sërish pengesë dhe qeveria angleze do të bëjë prapakthehu në rihapjen e plotë të stadiumeve.

 

Admiruesit e futbollit në Mbretërinë e Bashkuar do të mund të rikthehen prej këtij sezoni në impiantet angleze. Tifozët e Tottenham por jo vetëm, do të kenë mundësinë të ndjekin prej 25 prillit në finalen e Kupës së Ligës në Wembley, atje ku skuadra e Jose Murinhos sfidon Manchester City-in.

 

Rreth 8 mijë persona do të jenë prezentë në këtë finale ndërkohë që një numër edhe pak më i lartë fansash do të mund të rikthehet në stadiume nga data 17 maj, atëherë kur mbetet vetëm java e fundit e Premier League për t’u luajtur.

Related Articles

Leave a Reply

Your email address will not be published. Required fields are marked *

Back to top button