fbpx
KurioziteteLajme

Mashtronin me ndihmat për të miturit, shkon në 7 numri i të arrestuarve

Mashtronin me ndihmat për të miturit, shkon në 7 numri i të arrestuarve

Shkon në 7 numri i personave të arrestuar për mashtrimin kompjuterik me ndihmat për të miturit duke marrë qindra transaksione financiare. Një 24-vjeçare nga Tirana ka rënë në prangat e policisë në vijim të operacionit “Kameleonët”, të zhvilluar dy ditë më parë, ndërsa dy të tjerë janë shpallur në kërkim.
Gjashtë persona u arrestuan dy ditë më parë për krime kompjuterike (K.Likaj, 23 vjeç, D. Daka, 29 vjeç, G.Roko, 41 vjeç, E.Molla, 37 vjeç, të katërt banues në Pogradec, K.Hamati, 27 vjeç dhe L.Kalaja, 39 vjeç, banues në Tiranë), ndërsa një tjetër u shpall në kërkim (K.Cani, 23 vjeç). Gjatë operacionit u sekuestruan edhe aparate celularë, dokumente tërheqjesh monetare si edhe një sasi lënde narkotike e dyshuar si kokainë.
Njoftimi i Policisë
Në kuadër të një procedimi penal në ndjekje dhe duke vlerësuar maksimalisht situatën kriminale të krijuar, Njësia për Hetimin e Krimeve Kibernetike, në bashkëpunim me Prokurorinë e Rrethit Gjyqësor Tiranë, ka kryer hetime gjithëpërfshirëse në lidhje me verifikimin dhe ndjekjen penale të disa personave, për veprat penale “Mashtrimi kompjuterik” dhe “Falsifikimi kompjuterik”.
Pas kryerjes së hetimeve, Njësia për Hetimin e Krimeve Kibernetike ka ekzekutuar urdhrin e ndalimit të lëshuar nga Prokuroria e Rrethit Gjyqësor Tiranë për shtetasen Anisa Hamati, 24 vjeçe, banuese në Tiranë.
Ndërsa dy shtetas të tjerë u shpallën në kërkim:
Arsen Memaj, 34 vjeç dhe Sandrino Nika 37 vjeç, të dy banues në Tiranë
Materiali hetimor i ndjekur nga Njësia për Hetimin e Krimeve Kibernetike kishte të bënte me dyshime të arsyeshme se këta persona, në bashkëpunim me njëri-tjetrin, kanë kryer veprime për ngritjen e një skeme të mashtrimit kompjuterik, me qëllim përfitimin e shumave të ndryshme monetare nga të gjithë shtetasit shqiptarë ose jo, të cilët kanë qenë të interesuar për të ndihmuar të mitur me probleme shëndetësore.
Për këtë arsye, këta persona vendosnin në dispozicion të shtetasve të interesuar, llogari bankare apo të dhëna shtetasish të cilët do të ishin përfitues të donacioneve, duke i tërhequr ato në institucione të ndryshme financiare.
Tërheqja e shtetasve të interesuar bëhej nëpërmjet profileve të rrjeteve sociale me të dhëna të rreme, por dhe dhënies së të dhënave të rreme për dërgimin e donacioneve, me qëllim që të mos gjendeshin në rast se organet ligjzbatuese do të viheshin në dijeni të këtij aktiviteti kriminal.
Këta shtetas, për një periudhë disamujore, kanë arritur të marrin qindra transaksione financiare nga shtetas shqiptarë ose jo, të cilët janë me banim në territorin e Shqipërisë, por dhe jashtë saj.
Në cilësinë e provës materiale u sekuestruan aparate celular, dokumente tërheqjesh monetare, etj.
Aktualisht po punohet me ritme të shpejta për zbardhjen e plotë të këtij aktiviteti kriminal, evidentimin dhe vendosjen përpara drejtësisë dhe të personave të tjerë të implikuar në këtë aktivitet në të gjithë territorin e Republikës së Shqipërisë.
U kryen veprimet procedurale përkatëse dhe materialet hetimore u dërguan në Prokurorinë Pranë Gjykatës së Shkallës së Parë Tiranë, për vazhdimin e veprimeve të mëtejshme hetimore dhe procedurale, për veprat penale “Mashtrimi kompjuterik” dhe “Falsifikimi kompjuterik”.
Njëkohësisht, Njësia për Hetimin e Krimeve Kibernetike u bën thirrje të gjithë shtetasve që kanë dyshime të arsyeshme për funksionimin e skemave të tilla të na vënë në dijeni në adresën e postës elektronike CC@asp.gov.al dhe në numrin e telefonit 0694155552, po ashtu dhe në aplikacionet e komunikimit si WhatsApp, Viber

Burimi/Aamericaneye.al

Related Articles

Leave a Reply

Your email address will not be published. Required fields are marked *

Back to top button