fbpx
AktualitetKurioziteteLajmePolitika

Njihuni me kandidatin më të ri në listën e Partisë Socialiste në qytetin e Shkodrës

 

Njihuni me kandidatin më të ri në listën e Partisë Socialiste në qytetin e Shkodrës

Kabir Fishta është kandidat për deputet në qarkun e Shkodrës, ai ka një formim të shkëlqyer akademik dhe është aktiv në botën e biznesit dhe startup-eve. Tashmë synon të marrë mbi supe një përgjegjësi tjetër, më të madhe, të përfaqësojë zërin e shkodranëve në Kuvendin e Shqipërisë, si kandidati më i ri në moshë në listën kombëtare të Partisë Socialiste.
Për të mësuar më shumë rreth tij, redaksia jonë ka zhvilluar një intervistë të shkurtër me Kabir Fishtën.
Kabir ju keni përfunduar studimet me rezultate të shkëlqyera në Zvicër. A e shihni këtë si avantazh përballë kundërshtarëve tuaj politikë?

Fillimisht, ju falenderoj për ftesën. Po është e vertëtë që kam përfunduar studimet universitare në Zvicër dhe pas një eksperince punë atje jam kthyer për të kontribuar për vendin tim të lindjes, Shkodrën. Realisht nuk e shikoj aspak si avantazh përball kundërshtarëve politik për faktin që kam studiuar jashtë dhe kam eksperiencë punësimi në një vend të huaj, por avantazh do të ishte nëse do tregoja zgjedhësve gatishmëri për të qenë operativ në kryerjen e detyrave dhe për të krijuar një ofertë politike, më pas u takon qytetarëve të përcaktojnë cilën alternativë duhet të zgjedhin.

Sipas jush, cili është problemi kryesor në qytetin e Shkodrës?

Mendoj se problem kryesor në Shkodër është një qeverisje lokale jo-aktive dhe një bashki që i ka lënë punët pas dore. Nëse do të ekzistonte një kryebashkiak që do kujdesej për qytetin, normalisht Shkodra nuk do të ishte në këtë situatë ku gjendet sot. Janë shumë investime dhe projekte që vijnë nga qeveria qendrore të cilat janë refuzuar ose janë lënë në harresë me pretekste të ndryshme. Nëse bashkia do të ishte më aktive dhe jo në gjumë atëherë edhe Shkodra do të ecte në ritmet e qyteteve të tjera si Vlora, Korça dhe Fieri që për 8 vite kanë pësuar një zhvillim të jashtëzakonshëm. Shkodra e meriton këtë zhvillim dhe për këtë kemi premtimin e kryeministrit që këtë mandat do të ketë vëmendje maksimale, përmes mundësive për të thithur investime strategjike me sfond zhvillimin dhe punësimin. Mendoj se duke investuar në këtë qytet do mund të kemi progresin që dëshirojmë.

Si mendoni t’i jepni zgjidhje konkretisht këtij problemi?

Mendoja se zgjidhja e vetme dhe më e mirë në këtë situatë që ndodhemi është për të anashkaluar bashkinë dhe të mundohemi të garantojmë investime direkte nga qeveria.

A mund të ndani me ne 2-3 pika të strategjisë tuaj për ta bërë Shkodrën më të denjë për qytetarët?

Nisur edhe nga mosha ime, jam i zotuar për të përfaqësuar rininë e qarkut të Shkodës dhe strategjia është e përqëndruar në fuqizimin e rolit të të rinjve në këtë qytet dhe nxitjen e arsimit profesional. Besoj se nëse arrijmë ti zbatojmë këto strategji atëherë edhe rinia do e gjej veten në këtë qytet.

A do të hartoni dhe implementoni nisma, që nxisin punësimin lokal të të rinjve?

Për të nxitur punësimin lokal të të rinjve kemi hartuar një strategji të vetëpunësimit nga ku një i ri apo e re që ka një ide novative mund të krijoj një plan biznesi dhe ta prezantojë pranë insticioneve shtetërore si Ministria e Shetetit për Mbrojtjen e Sipërmarrjes dhe pas një periudhe inkubator, do të marrë mbështetjen e duhur përmes fondeve të donatorëve të huaj dhe mësimit hap pas hapi.

Së fundi, pse vota e shkodranëve duhet të shkojë për ju? A mund të ndani me ne moton e punës tuaj?
Sigurisht që vota e shkodranëve do të shkojë për Partinë Socialiste sepse plani jonë është i qartë dhe reformat duhet të ecin përpara me planin e qeverisë dhe nuk ka kohë për të humbur. Shkodra do të marrë vëmëndjen e pushtetit qendror dhe do të zhvillohet sepse është qytet që i ka të gjitha. Nga qendra për 20 minuta mund të jesh në ajër të pastër në mal, mund të shëtisësh buzë liqenit apo mund të marrësh rreze pranë detit.
Shkodra ka potencial të jashtëzakonshëm për zhvillim dhe Partia Socialiste ka planin e qartë se si ky qytet duhet të zhvillohet.

Intervista ekskluzive per Webmagazina News

Related Articles

Leave a Reply

Your email address will not be published. Required fields are marked *

Back to top button