fbpx
AktualitetKurioziteteLajme

𝑯𝒊𝒔𝒕𝒐𝒓𝒊 𝒔𝒖𝒌𝒔𝒆𝒔𝒊 – 𝑴𝒊𝒉𝒐 𝑮𝒋𝒊𝒏𝒊

𝑯𝒊𝒔𝒕𝒐𝒓𝒊 𝒔𝒖𝒌𝒔𝒆𝒔𝒊 – 𝑴𝒊𝒉𝒐 𝑮𝒋𝒊𝒏𝒊

📄 Miho Gjini një nga kritikët më të mirë më të vlerësuar të artit veҫanërisht në skenën e teatrit dhe të ekranit, u lind në fshatin Piqeras të Himarës, më 20 Mars 1938 ku kreu dhe shkollën fillore. Më pas kreu në Tiranë Politeknikumin “7 Nëntori” dhe u specializua edhe një vit tjetër si Teknik Rongeni, për ta ushtruar këtë specialitet në Spitalin Civil të Gjirokastrës. Studimet e larta i kreu në Shkollën e Lartë të Aktorëve, ku diplomohet si aktor, regjisor, me specializim Kritikë Teatri. Emërohet Drejtor e Regjisor i Teatrit Profesionist “Skampa” të Elbasanit, ku realizoi dy spektakle: dramën “Justina” dhe komedinë “Kutia prej argjendi”. Pas tre vitesh, emërohet me detyrën Inspektor i Përgjithshëm i Teatrove dhe Estradave së Republikës, njëkohësisht edhe pedagog i jashtëm në Institutin e Arteve, ku punoi për 12 vite me radhë.

📆 Miho Gjini është autori i 35 librave, njeriu i ditur i dikasterit të dekadave më parë për arsim-kulturën dhe regjisori i suksesshëm në skenë, pra një emër me autoritet profesional të padiskutueshëm në vitet ‘60/‘70. Edhe pse ishte i njohur në rrethet artistike si kritiku më i mirë i teatrit në Shqipëri, Miho përjetoi kalvarin e diktaturës, duke njohur internimin e më pas burgimin si pasojë e goditjes që shteti komunist i dha letërsisë dhe artit në fillim në ato vite. Kështu në vitin 1969, vepra teatrore e M. Jeros “Njollat e murrme”, paraqitur në festivalin Kombëtar të Teatrove, me organizimin e Miho Gjinit, si inspektor i Arsimit dhe Kulturës, shqetësoi diktatorin, duke e cilësuar veprën e tij manifest të revizionizmit çka bëri që jeta t’i ndërpritej në mes. Në 1982, edhe pse la qelitë e Tepelenës, Ballshit e të Spaçit, jetoi burgun nën qiellin e hapur, që i bëhej në emrin e të famshmes luftë të klasave duke punuar si punëtor krahu, derisa pas shembjes së sistemit totalitar, emigron në Greqi, ku ndodhet dhe sot.

🖋️ Emigrimi e bëri krijuesin të jetonte në fillimet e tij në një barakë me llamarina në një lagje thuajse të pabanuar jashtë Athine, në Koropi, por që ishte edhe studioja e krijuesit që nuk e kuptonte dot jetën pa penën në dorë e letrat e bardha, që i mbushte me mendimin estetik e kritik, muzën e krijimit të tregimeve, novelave e memuareve nga jeta në ferr, nga arratisja e kujtesës etj.. Edhe pse jeta i rezervoi këtë sfidë ai nuk iu nda për asnjë moment pasionit të tij të hershëm, ai ndiqte me vëmendje çdo shfaqje teatri në Shqipëri, Kosovë, Maqedoni e Mal të Zi.

👉 Shpirti i tij prej artisti jetoi, mbijetoi dhe arriti që krahas punës së rëndë të mos i ndahej pasionit të vjetër për artin, letërsinë dhe pikërisht te letërsia gjeti pasionin e dytë pas teatrit. Veç katër librave studimorë për artin skenik, shkroi edhe gjashtë libra të tjerë me karakter letrar, tregime, novela dhe një roman autobiografik. Aktualisht është duke shkruar një libër që përfaqëson një triptik kritik letrar. Teatri është dashuria e tij e parë, por prej egërsisë së kohës e më pas prej emigrimit, Miho iu kushtua letërsisë. Por gjithashtu i është dhënë rasti t‘i rikthehet edhe rregjizurës. Për Gjinin njeriut sa më shumë shtohen vuajtjet, sa më shumë kalojnë vitet, sa më tepër e ndjen plakjen, kërkon në vetvete forca që të mposhtë vuajtjet, punën e rëndë edhe largimin nga vendlindja.

👉 Krijimtarija, është një nga gëzimet më të rralla që përjeton njeriu i letrave. Miho Gjini nuk e ndan veten nga vendlindja, por edhe nga letërsia që botohet në Greqi. Për 15 vite kryesoi Lidhjen e Shkrimtareve e të Artistëve Shqiptare në Greqi, për 10 vjet punoi si Kryeredaktor i Revistës “Pegasi”, redaktor i Antologjive letrare “Shtigjet e Vendlindjes” nga Lukova e Himara. Herë pas herë Gjini vjen në Tiranë për të promovuar monografitë për artistët. Ka shkruar monigrafi për artistë si Mihal Popi, Naim Frashëri, Margarita Xhepa, Robert Ndrenika, Nikolin Xhoja, si edhe libra me analiza e studime të veҫanta për dramaturgjinë, spektaklet skenike, filmat shqiptarë si edhe më shumë se 10 botime letrare në gjininë e tregimit, novelës dhe romanit.

🏅 Shteti Shqiptar, e ka nderuar veprën e tij me Urdhrin e Lartë “Mjeshtër i Madh”. Gjithashtu mban titullin “Qytetar Nderi i Bregdetit” dhe “Ambasador i Paqes”.

✨ Miho Gjini mbetet një nga artikuluesit jo vetëm emocionalë të fjalës mbi teatrin, por edhe mendimtar i rrallë dhe filozof i teatrit.

#HistoriSuksesi👏 #KrenariShqiptare✨

Related Articles

Leave a Reply

Your email address will not be published. Required fields are marked *

Back to top button